නීතිඥ සංගමයේ සභාපති ධුරය නිතරගයෙන් රජිව් අමරසූරියට

රජීව් අමරසූරිය මහතා 2026/2027 සඳහා ශ්‍රී ලංකා නීතිඥ සංගමයේ සභාපති ධුරයට තවත් වාරයක් සඳහා නිතරගයෙන් තේරී පත් වී ඇති අතර 2026 මාර්තු 28 වන දින පැවැත්වීමට නියමිත ශ්‍රී ලංකා නීතිඥ සංගමයේ 52 වන උපාධි ප්‍රදානෝත්සවයේදී විධිමත් ලෙස එම ධුරයට පත්වෙනු ඇත.

එසේම නීතිඥ සංගමයෙන් හිටපු භාණ්ඩාගාරික නලින් චන්දික ද සිල්වා මහතා 2026/2027 සඳහා ශ්‍රී ලංකා නීතිඥ සංගමයේ නව ලේකම්වරයා ලෙස නිතරගයෙන් තේරී පත් වූ අතර, වසර දෙකක ධූර කාලය සම්පූර්ණ කරන වත්මන් ලේකම් චතුර ගල්හේන මහතාගෙන් පසු සංගමයේ 2026 උපාධි ප්‍රදානෝත්සවයේදී වැඩ භාර ගනු ඇත.

මෙම ප්‍රතිඵල නිල වශයෙන් ප්‍රකාශයට පත් කරන ලද්දේ තේරීම්භාර නිලධාරී, සොලිසිටර් ජෙනරාල් ජනාධිපති නීතිඥ විරාජ් දයාරත්න මහතා විසිනි.