නිකවැරටිය කුඹුරු යායක පිරිමි නිරුවත් මළ සිරුරක්

නිකවැරටිය  නගරාසන්නයේ  කුඹුරු යායක් මැද තිබී  නිරුවත්  පිරිමි  මළ සිරුරක් අද (05 දා)  පස්වරුවේ  සොයා ගෙන  ඇති බව නිකවැරටිය මූලස්ථාන පොලීසිය පවසයි.

වයස අවුරුදු  40/45 පමණ පෙනුමැති  මෙම මළ  සිරුර කාගේද යන්න මෙතෙක් අනාවරණය වී නොමැති බවද සිරුරේ පපුව  කොටසේ  සම ගැලවී  ඇති බව දක්නට තිබෙන බවද පොලීසිය සඳහන් කරයි.

මෙය  මනුෂ්‍ය ඝාතනයක්ද, පිටස්තර  ප්‍රදේශයකින් ගෙනත් දැමූ එකක්ද මොහු කවුරුත්ද යන්න පිළිබඳව සොයා.ගැණීම සඳහා   නිකවැරටිය පොලීසිය හා කොට්ඨාශ සොකෝ අංශ පුලුල් පරීක්ෂණ  මේ වන විට ආරම්භ කර ඇති  බවද පොලීසිය සඳහන් කරයි.

නිකවැරටිය කොට්ඨාශ බාර ජ්‍යෙෂ්ඨ පොලිස් අධිකාරි ජී ජේ නන්දන මහතාගේ උපදෙස් අනුව පොලිස් අධිකාරි වීරසිංහ මහතාගේ අධීක්ෂණයෙන් ස්ථානාධිපති ප්‍රධාන පොලිස් පරීක්ෂක තිලක් සුබසිංහ මහතගේ⁣ මෙහෙය වීමෙන්  නිලධාරීන් කණ්ඩායමක්  සහ  කොට්ඨාශ සොකෝ අංශ  සිද්ධිය පිළිබඳව පරීක්ෂණ සිදු කරයි. සිද්ධිය සම්බන්ධයෙන් මහේස්ත්‍රාත් පරීක්ෂණය සිදු කිරීමට නියමිතව  තිබුණි.

ප්‍රියාණි මංගලිකා