නිදහස උදෙසා කාන්තාවෝ අත්අඩංගුවට ගැනිම පෙරටුගාමිහු හෙළාදකිති

කාන්තා අයිතිවාසිකම් පිළිබඳව දැනුවත් කිරිමේ හා ආධාර එකතු කිරිමේ වැඩසටහනක නිරතව සිටි නිදහස උදෙසා කාන්තා ව්‍යාපාරයේ ක්‍රියාකාරිනියන් පිරිසක් අද අත්අඩංගුවට ගෙන තිබේ.

මෙම අත්අඩංගුවට ගැනිම නීතිවිරෝධි  වනවා පමණක් නොව තමන්ට අත්අඩංගුවට ගැනිමට හේතුව විමසු විට ඒ පිළිබඳව නිසි පැහැදිලි කිරිමක් කිරිමටද පොලිස් නිලධාරින් අපොහොසත්ව තිබෙන බව පෙරටුගාමි සමාජවාදි පක්ෂය පෙන්වා දෙයි.

කාන්තා ක්‍රියාකාරිනියන් කොටුව පොලීසිය වෙත කැඳවා ගෙන ගොස් තිබෙන අතර එහිදිද තමන් රැගෙන ඒමට ආදාළ නෛතික ප්‍රතිපාදන පිළිබඳව විමසු විට පොලිස් නිලධාරින්ගේ පිළිතුර වි තිබෙන්නේ ස්ථානාධිපතිවරයා පැමිණෙන තුරු සිටිය යුතු යන්නයි.

මෙම අත්අඩංගුවට ගැනිම සමාජ ක්‍රියාකාරිනියන් බියවැද්දිමට , ඔවුන්ගේ ක්‍රියාකාරකම් අඩපණ කිරිමට හා දුර්වල කිරිමට දරන උත්සාහයක් බව පෙනෙන්නට තිබෙන බවත්  මෙය කිසිසේත්ම අනුමත කළ  හැකි හා පිළිගත හැකි තත්ත්වයක් නොවන බවත් ඔවුහු අවධාරණය කරති. එමෙන්ම  මෙය ජනතාවගේ අයිතිවාසිකම් උල්ලංඝනය කිරිමකි. එබැවින් මෙවැනි අත්අඩංගුවට ගැනිම්වලට එරෙහිවත් , ජනතාවගේ ක්‍රියාකාරි විමේ නිදහස ආරක්ෂා කිරිම උදෙසාත් පෙරට එන ලෙසත් සියලු දෙනාගෙන් ඔවුහු ඉල්ලා සිටිති.