දුප්පත් රටවලට ණය වාරික ගෙවීමේදි සහනයක්

ලොව දුප්පත්ම රටවල් සමහරක් විසින් ගෙවිය යුතු ණය ගෙවීම් අත්හිටුවීමට ජී 20 කණ්ඩායමට අයත් රටවල් එකඟ වී තිබේ.

මෙම ගිවිසුම මගින් 2020 අවසානය දක්වා ජී 20 රජයන්ට ගෙවීමට නියමිත මුදල් ආවරණය කෙරේ.

කොරෝනා වසංගතයේ සෞඛ්‍ය හා ආර්ථික බලපෑම් සමඟ කටයුතු කිරීමට රටවලට උපකාර කිරීම මෙහි අරමුණයි.

සමස්තයක් ලෙස රටවල් 77 ක් ගිවිසුමෙන් ප්‍රතිලාභ ලැබීමට නියමිතය.

මෙම සැලැස්ම අඟහරුවාදා ජී 7 ප්‍රමුඛ සංවර්ධිත රටවල් විසින් තාවකාලිකව එකඟ වූ නමුත් පුළුල් ජී 20 හි සහාය මත එය කොන්දේසි සහිත විය.

සමහර රටවල්, විශේෂයෙන් චීනය සහ සෞදි අරාබිය, ජී 20 හි සිටින නමුත් ජී 7 හි සාමාජිකය්න නොවේ. කෙසේ වෙතත් ඔවුන් සංවර්ධනය වෙමින් පවතින රටවලට සැලකිය යුතු ණය දෙන්නන් වේ.