ජාතික ධීවර යාත්‍රා සංගණනය අගෝස්තු 20 දක්වා

මෙරට ධීවර කර්මාන්තයේ තිරසර සංවර්ධනය සහ ඩිජිටල්කරණය ඉලක්ක කර ගනිමින්  "ජාතික ධීවර යාත්‍රා සංගණනය - 2025", ධීවර,ජලජ හා සාගර සම්පත් අමාත්‍ය රාමලිංගම් චන්ද්‍රසේකර් මහතාගේ  සහ ධිවර, ජලජ හා සාගර සම්පත් නියෝජ්‍ය අමාත්‍ය රත්න ගමගේ මහතාගේ  ප්‍රධානත්වයෙන් ‍පසුගිය  (04) දා   නිල වශයෙන් ආරම්භ වු අතර, එය ලබන අගෝස්තු 20 වන දින දක්වා පැවැත්වේ.

ධීවර, ජලජ හා සාගර සම්පත් අමාත්‍යාංශය සහ "ක්ලීන් ශ්‍රී ලංකා" වැඩසටහන එක්ව මෙය සංවිධානය කර තිබේ. ධීවර යාත්‍රාවල සංගණන ස්ටිකර් ඇලවීම සහ ටැබ් පරිගණක මගින් දත්ත පද්ධතියට තොරතුරු ඇතුළත් කිරීම සිදුකෙරේ.
 එක්රැස් කරගන්නා සියලු තොරතුරු, අමාත්‍යාංශයේ නව මාර්ගගත දත්ත පද්ධතියට ඇතුළත් කර, 2026 වසරේ සිට මෙහෙයුම් බලපත්‍ර නිකුත් කිරීම, සහනාධාර ලබාදීම ඇතුළු සියලු සේවාවන් මෙම සංගණනයට ලක් වූ යාත්‍රා සඳහා පමණක් ලබා දීමට නියමිතව ඇත.

ඩබ්ලිව්.එල්.අනුර ප්‍රියන්ත - හබරාදුව