ජපානයේ වැස්සෙන් 8 ක් මරුට

නැගෙනහිර ජපානයට බලපෑ වාර්තාගත වර්ෂාපතනය හේතුවෙන් අවම වශයෙන් පුද්ගලයින් අට දෙනෙකු මිය ගොස් ඇති අතර ටෝකියෝවේ නරිටා ගුවන්තොටුපළේ දහස් ගණනක් ජනතාව අතරමං වී ඇත.

බලධාරීන් "පෙර නොවූ විරූ" ලෙස විස්තර කර ඇති වර්ෂාව, චිබා ප්‍රාන්තයේ නිවාස 20,000 කට වැඩි ගණනකට විදුලිය විසන්ධි කර ඇත.

පළාත් පාලන ආයතන බ්‍රහස්පතින්දා එහි ඉහළම අනතුරු ඇඟවීම වන පස්වන මට්ටමේ හදිසි අනතුරු ඇඟවීමක් නිකුත් කළේය. සිකුරාදා උදෑසන වන විට මෙය හතරවන මට්ටම දක්වා පහත හෙලන ලද නමුත් ඔවුන් නායයෑම් සහ ගංවතුර අවදානම් පිළිබඳව දිගටම අනතුරු ඇඟවීය.

"ජපානයේ ඓතිහාසික කාලගුණ ප්‍රමිතීන්ට අනුව වුවද මෙම සිදුවීම අතිශය අසාමාන්‍ය තත්වයක් විය," චිබා ආණ්ඩුකාර ටොෂිහිටෝ කුමගයි සිකුරාදා උදෑසන වාර්තාකරුවන්ට පැවසීය.