චෙක් රජය සාප්පු - අවන්හල් යළි විවෘත කිරීමට ඉඩ දෙයි

නව කොරෝනා වසංගතයේ වර්තමාන රැල්ල ලිහිල් වන බැවින් දෙසැම්බර් 3 වැනි බ්‍රහස්පතින්දා සිට චෙක් රජය අවන්හල් සහ අත්‍යවශ්‍ය නොවන සාප්පු නැවත විවෘත කිරීමට ඉඩ ලබාදෙන බව සෞඛ්‍ය අමාත්‍ය ජෑන් බ්ලැට්නි පවසයි.

රටේ කොවිඩ්-19 අවදානම් තක්සේරුකරණ පද්ධතිය මත පදනම්ව 4 වැනි අවදානම් මට්ටමේ සිට 3 වැනි මට්ටම දක්වා ගමන් කිරීමට රට සූදානම් බව චෙක් රජය ඒකමතිකව තීරණය කළ බව බ්ලැට්නි පැවසීය.

මෙයින් අදහස් කරන්නේ සියලුම සාප්පු සහ ආපනශාලා විවෘත කළ හැකි බව වුවද, සමාජ දුරස්ථභාවයට ආරක්ෂා කිරීම සඳහා පාරිභෝගික සංඛ්‍යාව සීමාකරන ලෙසද රජය අවවාද කර තිබේ.

රාත්‍රී කාලයේ ඇඳිරි නීතිය ඉවත් කර සීමිත ක්‍රීඩා ක්‍රියාකාරකම් නැවත ආරම්භ කළ හැකි බවද සෞඛ්‍ය අමාත්‍යවරයා ප්‍රකාශ කළේය.

චෙක් ජනරජයේ අග්‍රාමාත්‍ය ඇන්ඩ්‍රෙජ් සජීවී ප්‍රවෘත්ති සාකච්ඡාවකදී වාර්තාකරුවන් ඉදිරියේ පෙනී සිටිමින් සීමාවන් ප්‍රකාශයට පත් කිරීම සම්බන්ධයෙන් තම ජනතාවගෙන් බොහෝ වරක් සමාව ඉල්ලා සිටියේය.

චෙක් ජනරජය වසන්තයේදී වසංගතයේ පළමු රැල්ල හැසිරවූ ආකාරය ගැන ප්‍රශංසාවට ලක් විය. ඒ චෙක් රජය විසින් කලින්ම ලොක්ඩවුන් සීමා පනවා, මුඛ ආවරණ පැලඳීම අනිවාර්ය කිරීම බටහිර ලෝකයේ බොහෝ දෙනා එම පියවර ගැන නොසැලකූ අවස්ථාවක දී කළ බැවිනි.