ගෙවතු වගා සංග්‍රාමයට දිමුත් සහ චන්දිමාල් එක්වෙති

වත්මන් රජයේ සංකල්පයක් අනුව ක්‍රියාත්මක සෞභාග්‍යා ජාතික ආහාර නිෂ්පාදන වැඩසටහන යටතේ ගෙවතු වගා සංග්‍රාමයට ශ්‍රී ලංකා ක්‍රිකට් නායක දිමුත් කරුණාරත්න සහ හිටපු නායක මේජර් දිනේෂ් චන්දිමාල් එක්වූහ. ඒ අද (04දා) දිනයේ ඔවුන්ගේ නිවෙස්වල පැළ රෝපණය කරමිනි. 

ශ්‍රී ලංකා ක්‍රිකට් නායක දිමුත් කරුණාරත්න සිය ට්විටර් ගිණුමේ පණිවුඩයක් තබමින් පවසා සිටියේ  ගෙවතු වගා සංග්‍රාමයට ආරාධනා කළ හිටපු පාර්ලිමේන්තු මන්ත්‍රී නාමල් රාජපක්ෂට ස්තුති වන බවත් තමන් මෙම අභියෝගය සඳහා හිටපු නායක මේජර් දිනේෂ් චන්දිමාල්ට සහ හිටපු නායක මහේල ජයවර්ධනට ආරධනා කරන බවත් ය.

එය පිළිගනිමින් මේජර් දිනේෂ් චන්දිමාල් සිය නිවසේ පැළ රෝපණය කරමින් සෞභාග්‍යා ජාතික ආහාර නිෂ්පාදන වැඩසටහන යටතේ ගෙවතු වගා සංග්‍රාමයට එක්ව තිබුණි. චන්දිමාල් මෙම අභියෝගය හිටපු නායක කුමාර් සංගක්කාරට සහ සහ හිටපු නායක තිසර පෙරේරාට යොමු කර තිබුණේය.