කුවේටයේ අත්අඩංගුවේ සිටි ලාංකිකයන් 20ක් ලංකාවට පිටුවහල් කරයි

කුවේට් රාජ්‍යයේ වීසා බලපත්‍ර නොමැතිව නීතිවිරෝධී ලෙස රැදී සිටියදී එරට ආරක්ෂක අංශ මගින් අත් අඩංගුවට ගෙන රක්ෂිත බන්ධනාගාර ගත කර සිටි ශ්‍රී ලාංකිකයන් 20 දෙනෙකු එරටින් පිටුවහල් කර 09/20 දින අලුයම කටුනායක ගුවන් තොටුපොළ වෙත එවා තිබූණි .

මෙම පිරිස එරට ගෘහ සේවය ඇතුළු විවිධ රැකියා සදහා ගොස් , ඔවුන් ගිවිසුම් ගත සේවා ස්ථාන වලින් පිටමං වී , වීසා නොමැතිව , වෙනත් රැකියා ස්ථාන වල රැදී සිටියදී මෙසේ කුවේට් ආරක්ෂක අංශ වල අත් අඩංගුවට පත් වී තිබේ .

 ඔවුන් 09/20 දින අලුයම 03.10 ට කුවේට් රාජ්‍යයේ කුවේට් සිටි නුවර සිට , අල් ජසීරා ගුවන් සේවයේ ජේ.එන්.- 551 දරන ගුවන් යානයෙන් මෙසේ පිටුවහල් කර එවා තිබුණි .

පසුව මෙම පිරිසට , සිය ගම්බිම් බලා පිටත්ව යාම සදහා අවශ්‍ය මුදල් ප්‍රතිපාදන ලබා දී , ඔවුන් පිටත් කර හැරීමට ශ්‍රී ලංකා විදේශ සේවා නියුක්ති කාර්යාංශය පියවර ගෙන තිබුණි .