කොළඹ වරාය නගරය නිල වශයෙන් ලංකා භූමියට එක්වෙයි

කොළඹ වරාය නගර භූමිය නිල වශයෙන් ශ්‍රී ලංකා භූමියට අද (07දා) එකතු කරනු ලැබීය. ඒ අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙනි.

මේ හරහා ශ්‍රී ලංකා භූමියට අලුතින් හෙක්ටයාර 269ක් එක්විය. මේ සමගම කොළඹ වරාය නගර භූමියේ ඉඩම් ව්‍යාපාර කටයුතු සඳහා බදු පදනම යටතේ ලබාදීමට ශ්‍රී ලංකා රජයටත්, චීන සමාගමටත් අවස්ථාව හිමිවෙයි. 

චීනයේ CHEC පෝර්ට් සිටී කලම්බෝ සමාගම මෙම ව්යාපෘතිය සඳහා අමෙරිකානු ඩොලර් බිලියන 1.5 ක් ආයෝජනය කළ අතර එය මෙරට සිදුකළ විශාලම සෘජු විදේශ ආයෝජනය ලෙස සැලෙකයි.

අග්‍රාමාත්‍ය මහින්ද රාජපක්ෂ මහතා එවකට ජනපති ධුරය දරණ සමයේදී 2014 වසරේ සැප්තැම්බර් මෙම ව්‍යාපෘතිය ආරම්භ කළ අතර චීන ජනපති ෂී ජින් පිං මහතාගේ ප්‍රධානත්වයෙන් එම ඉදිකිරීම් ආරම්භ කරනු ලැබීය.