කොවිඩ් මරණ බහුතරයකට හේතුව ගැන කරුණු අනාවරණය වෙයි

මෙරට සිදුවූ කොවිඩ් මරණවලින් බහුතරයකට හේතුව කොවිඩ් නියුමෝනියාව ඇතිවීමට පෙර සිදුවන පෙනහළු සංකූලතාවක් බවට කරුණු අනාවරණය වී ඇත.

මේ වන විට කොවිඩ් ආසාදිතව මියගිය පුද්ගලයින් මෘතදේහ 100 ක පමණ පශ්චාත් මරණ පරීක්ෂණ සිදු කර ඇති බවත් ඒ අනුව පෙනහළු සහ අභ්‍යන්තර ඉන්ද්‍රියන්වල සිදුවන වෙනස්කම් නිරීක්ෂණය කර ඇති බව ජාතික බෝවන රෝග විද්‍යායතනයේ විශේෂඥ අධිකරණ වෛද්‍ය චන්න පෙර්රා ප්‍රකාශ කර සිටියේ​ය.

සිදු කරන ලද පශ්චාත් මරණ පරීක්ෂණවලින් සියයට 30 ක් පමණ මියගොස් ඇත්තේ කොවිඩ් නියුමෝනියාව තත්ත්වයෙන් බවත් ඊටත් වඩා අඩු ප්‍රමාණයක් ලේ කැටි ගැසී පෙනහළුවල සිරවීමෙන් මියගොස් ඇති බවද ඔහු සඳහන් කර සිටියේ​ය.

කොවිඩ් වෛරසය ආසාදනයවීමෙන් පෙනහළුවල ගර්ථ බිත්තිවල ඇතිවන සංකූලතාවක් මගින් ඒවාට හානි කරන බව මෙම පරීක්ෂණයේදී නිරීක්ෂණය වී ඇති බවත් ඉන් පසු කොවිඩ් නියුමෝනියා තත්ත්වය පත්වන බවයි ජාතික බෝවන රෝග විද්‍යායතනයේ විශේෂඥ අධිකරණ වෛද්‍ය චන්න පෙර්රා වැඩිදුරටත් සඳහන් කර සිටියේ​ය.