කර්මාන්තපුර සංවර්ධනයට වැය කළ රු. මිලියන 1542ක් වතුරේ

කර්මාන්තපුර 09ක් සංවර්ධනය කිරිම සදහා රජය විසින්  රුපියල් මිලියන 1542ක  මුදලක් වැයකොට තිබුණද 2024 වර්ෂය අවසන් වනවිටත් එවායේ  කිසිදු කර්මාන්තයක් ආරම්භකර නොතිබු බව  අනාවරණය වි ඇත.

මෙකි කර්මාන්තපුර රජයේ ඉඩම් 281,399ක ක්‍රියාත්මක කිරිමට   යෝජිතව පැවතුණි. එමෙන්ම අක්කර 200ක භුමි ප්‍රමාණයක් තුල  රයිගම් කර්මාන්තපුරය පිහිටුවිම සදහා  රජය විසින් 2017 වර්ෂයේ සිට 2024 දක්වා කාලය තුල රුපියල් මිලියන 905 මුදලක් වැයකොට තිබුණි.

එහෙත්  කර්මාන්තපුරය ආරම්භකිරිමට පෙර   ශක්‍යතා අධ්‍යයනයක් සිදුකර  ව්‍යාපෘති සැලසුම්කර  නොතිබුණි.2024 වර්ෂය අවසන් වනවිටත් එහි කිසිදු කර්මාන්තයක් ආරම්භකර නොතිබු බව අනාවරණය වි ඇත.

එමෙන්ම කර්මාන්තකරුවන් සදහා  ඉඩම්වෙන් කිරිමෙන් පසුව වසර 35ක  දිර්ඝකාලින බදු ගිවිසුමක්  අත්සන් කළයුතු වුවද  කර්මාන්තපුර 30ක  කර්මාන්තකරුවන් 374ක් සමග  එබදු බදුගිවිසුම් අත්සන්කර නොතිබුණි. විගණකාධිපතිවරයා විසින් 2024 වර්ෂයට අදාළව නිකුත්කොට ඇති වාර්ෂික විගණන වාර්තාවේ මෙම තොරතුරු ඇතුළත්ව   ඇත.