කරගෙන යන කිසිම දෙයක් නතර කරන්නේ නෑ

ශ්‍රී ලංකා ක්‍රිකට් ආයතන නිලවරණයෙන් පත්වූ කණ්ඩායම සමග වැඩකිරීමට බලාපොරොත්තු වන බවත් ශ්‍රී ලංකා ක්‍රිකට් ආයතනය  පිළිබඳව කරන විමර්ශන ඒ ආකාරයෙන්ම කරගෙන යන බවත් ක්‍රීඩා අමාත්‍ය හරීන් ප්‍රනාන්දු මහතා පැවැසීය. අද (21දා) පෙරවරුවේදී පැවැති මාධ්‍ය හමුවකදී ඔහු මේ බව පැවැසීය. 

“ කවුද දින්නේ කවුද පරදුනේ කියන එක මට වැදගත් නෑ. ලංකාවේ ක්‍රිකට් ක්‍රීඩාවේ ව්‍යවස්ථාව වෙනස්විය යුතුයි.සංගා මහේල සමග කටයුතු සාකච්ඡා කළා. ඒක හොඳ ව්‍යවස්ථාවක්. එය කැබිනට් මණ්ඩලයට ඉදිරිපත් කරලා මැයි මාසයේදී පාර්ලිමේන්තුවට ඉදිරිපත් කරනවා.

මේ පත්වුණ කණ්ඩායම ඒකට සහාය දෙයි කියලා හිතනවා. කරගෙන යන කිසිම දෙයක් නවත්වන්නේ නෑ. වෝහාරික විගණනයක් කරනවා. ඒක ඒ ආකාරයෙන්ම කරනවා.ඡන්දේ දීපු අය කණ්ඩායම පත්කර තිබෙනවා.

මේ අවුරුද්ද ලෝක කුසලානය තිබෙන නිසා වැදගත් අවුරුද්දක්. මම කියන්නේ නෑ කවුරුවත් නීතියෙන් වැරදිකරු වෙනකම් වරැදිකරු කියන්නේ නෑ. ලංකාව කියන්නේ කටකතා ලෝකයක්. ඒ නිසා මම විශ්වාස කරන්නේ ඇස්දෙකට දැකලා කල්පනා කරලා හරි තීරණය ගන්නවා. ”