කාබුල් නුවර පිපිරීමක්

ඇෆ්ගනිස්තානයේ කාබුල් නුවර ජාත්‍යන්තර ගුවන් තෙටුපොළ ආසන්නයේ විශාල පිපිරීමක් වාර්තා වී තිබේ.

ඇමෙරිකාව සඳහන් කරන්නේ මෙය මරාගෙන මැරෙන ප්‍රහාරයක් බවයි. ප්‍රහාරයෙන් පුද්ගලයන් 13කට වැඩි පිරිසක් මියගොස් ඇති බවට මේ වන විටත් තහවුරු වී තිබේ.

විශාල පිරිසක් තුවාල ලබා තිබේ. ඇෆ්ගනිස්තාන වැසියන් රටින් ඉවත් කරමින් සිටින විට මෙම ප්‍රහාරය සිදුව තිබේ.

ඇමෙරිකානු භටයින් පිරිසක් මෙන්ම තලේබාන් සාමාජිකයන් පිරිසක්ද තුවාල ලබා ඇති බව විදෙස් මාධ්‍ය තොරතුරු වාර්තා කරයි.

පළමු ප්‍රහාරයෙන් මද වේලාවකට පසුව තවත් ප්‍රහාරයක් හෝටලක් ඉලක්ක කරගෙන එල්ල කර ඇති බව ජාත්‍යන්තර මාධ්‍ය වාර්තා කරයි.