එල් නිනෝව ජීවමාන මතකයේ ප්‍රභලතම එකක් විය හැකි බවට අනතුරු ඇඟවීමක්

පැසිෆික් සාගරයේ වර්ධනය වන එල් නිනෝ සිදුවීම ජීවමාන මතකයේ ඇති ප්‍රබලතම සිදුවීම විය හැකි බව බ්‍රිතාන්‍ය කාලගුණ විද්‍යා දෙපාර්තමේන්තුව අනතුරු අඟවා තිබේ. බලගතු ස්වාභාවික දේශගුණික සංසිද්ධිය ගෝලීය උෂ්ණත්වය ඉහළ නංවන අතර ආන්තික කාලගුණික අවදානම් වැඩි කළ හැකි යැයි එම දෙපාර්තමේන්තුව අනතුරු අගවා තිබේ.

මිනිසා විසින් ඇති කරන ලද දේශගුණික විපර්යාසවල බලපෑම් වලට අමතරව, 2027 ගෝලීය වශයෙන් වාර්තාගත උණුසුම්ම වසර බව අදහස් කිරීමට "ඉතා ඉඩ ඇති" බව කාලගුණ විද්‍යා කාර්යාලය අනතුරු අඟවයි.

ඉන්දියාවේ සාමාන්‍ය මෝසම් වැසි අඩු වීම සහ අත්ලාන්තික් සාගරයේ චණ්ඩ මාරුත අඩුවීමත් සමඟ ලොව පුරා කාලගුණික රටා දැනටමත් බලපෑමට ලක්ව ඇති බවට සාක්ෂි වැඩිවෙමින් පවතී.

"මෙය පෙර නොවූ විරූ සිදුවීමක් බව අපට පැහැදිලි විය යුතුය", එක්සත් රාජධානියේ කාලගුණ විද්‍යා කාර්යාලයේ දිගු දුර අනාවැකි ප්‍රධානී මහාචාර්ය ඇඩම් ස්කයිෆ් පැවසීය.

"අපගේ අනාවැකිවල එල් නිනෝ සංඥාවක් මෙතරම් තීව්‍ර වනු ඇතැයි මම කිසිදා දැක නැත."

දේශගුණික විපර්යාස එල් නිනෝ සිදුවීම් තවත් නරක අතට හැරෙන බවට පැහැදිලි සාක්ෂි නොමැත, නමුත් උණුසුම් වන ලෝකයක එහි කාලගුණික බලපෑම් වඩාත් දරුණු වේ.