’ඌරු ජුවාට’ කප්පම් මුදල් රැස් කළ පතාලයේ 4ක් අත්අඩංගුවට

බන්ධනාගාර ගතව සිටින සංවිධානාත්මක අපරාධකරුවකු වූ මාඹුලගේ දිනෙත් මිලාන් හෙවත් ඌරු ජුවා නමැත්තාගේ කප්පම් මුදල් එකතු කිරීමේ යෙදුණු පාතාල සාමාජිකයන් සිවුදෙනෙකු අත්අඩංගුවට ගත් බව බස්නාහිර දකුණ අපරාධ කොට්ඨාසය පවසයි.
 
එම සැකකරුවන් සන්තකයේ තිබි  ජංගම දුරකතන සිම්පත් 5ක්, විද්‍යුත් ක්‍රමයට මුදල් ලබාගන්නා බැංකු කාඩ්පත් 5ක්,  කඩු 2ක් සහ මන්නා පිහියක්ද පොලීසිය භාරයට ගෙන ඇත.
 
ඌරු ජුවා නමැත්තා බන්ධනාගාරයේ සිට ලබාදෙන තර්ජනාත්මක දුරකථන ඇමතුම් අනුව ලැබෙන කප්පම් මුදල් මෙම පාතාල සාමාජිකයන් විවිධ පුද්ගලයන්ට ලබාදී තිබූ බවද පොලීසිය පවසයි.
 
බුද්ධි අංශ නිලධාරීන් ලබාදුන් තොරතුරු අනුව මෙම සැකකරුවන් දැඩිගමුව, රනාල, කඩුවෙල, කොරතොට අතුරුගිරිය පාරේදී අත්අඩංගුවට ගෙන ඇත.
 
සැකකරුවන් කඩුවෙල අධිකරණයට ඉදිරිපත් කිරිමට නියමිතය.

බණ්ඩාරගම - බිමල් ශ්‍යාමන්