ඊශ්‍රායෙලයේ ශ්‍රී ලංකා සේවකයන් 20ක් ගමන් කළ බස් රථයක් ගිනි ගනියි

ඊශ්‍රායලයේ Kiryat Malakhi   ප්‍රදේශයට ආසන්නයේ  ඊයේ  උදේ  තම සේවා කටයුතු  සඳහා ගමන් කරමින් සිටි  ඊශ්‍රායලේ  කෘෂිකාර්මික සේවය කරන ලංකාවේ තරුණයින්  20 ක්  රැගත් බස් රථයක් හදිසි ගිණි  ගැනීමකට ලක් වූ අතර ගින්නෙන් බස් රථය සම්පුර්ණයෙන්ම විනාශ වී තිබේ. 

මෙම බස් රථයේ ශ්‍රී ලාංකිකයන් 20 දෙනෙකු සිට ඇති අතර බස් රථය ගිණි  ගැනීමේ දී එහි දොර අවහිරවීම මත එහි සිටි පිරිස එහි ජනෙල් කඩා එයින් ඉවත්වී ඇතැයි ඊශ්‍රා යෙලයේ ශ්‍ර‍ී ලංකා තානාපති නිමල් බණ්ඩාර මහතා පවසයි.

අනතුරෙන්  පාදයක්  තුවාල වූ එක අයෙකු රෝහල් ගතකර ඇති අතර ඔහුගේ තත්ත්වය බරපතල නොවන බවත්  මේ පිළිබඳව විවිධ  සටහන් තබා ඇතත් තුවාල වූ  තරුණයාට තදබල අනතුරක් නොමැති බව සනාථ කරමි යැයි තානාපතිවරයා පවසයි.

අදාල සමගම ඔවුන්ගේ කටයුතු පිළිබඳව සොයා බලන අතර අනෙකුත් පිරිස සුපුරුදු පරිදි තම කටයුතුවල් නිරත වන බවද තානාපතිවරයා වැඩිදුරටත් පවසයි.