ඉරාන නියෝජිතයන් හා පාකිස්තාන නියෝජතයන් අතර අද හමුවක්

ඉරාන නිලධාරීන් සහ පාකිස්තාන හමුදා ප්‍රධානී අසීම් ​​මුනීර් ඉරාන හා ඇමෙරිකා සාම සාකච්ඡාවල ඉදිරි ක්‍රියාමාර්ග ගැන සාකච්ඡා කිරීමට අද දින ටෙහෙරානයේදි හමුවීමට නියමිතය. මේ සඳහා පාකිස්තාන හමුදා ප්‍රධානි මේ වන විටත් ටෙහෙරානයට ගොස් තිබේ.

ඇමරිකා එක්සත් ජනපදය සහ ඉරානය අතර ප්‍රධාන අතරමැදියෙකු වන මුනීර් බදාදා ටෙහෙරානයට ගොස් ඉරාන විදේශ අමාත්‍ය අබ්බාස් අරග්චි හමුවිය. මුනීර්ගේ නායකත්වයෙන් යුත් පකිස්ථාන දූත පිරිස වොෂින්ටනයේ පණිවිඩයක් රැගෙන ගිය බව පකිස්ථාන හමුදාව මීට පෙර පැවසීය.

රැස්වීමෙන් පසු නිකුත් කළ පණිවිඩයක මුනීර් ඉරානයට පිළිගැනීමට තමා "ඉතා සතුටු වන" බව අරග්චි පැවසූ අතර, එහිදී ඔහු "කලාපයේ සාමය සහ ස්ථාවරත්වය ප්‍රවර්ධනය කිරීම" සඳහා ඉරානයේ කැපවීම තහවුරු කළේය.

ටෙහෙරානය සහ වොෂින්ටනය අතර දෙවන වටයේ සාකච්ඡා සඳහා පුළුල් රාජ්‍ය තාන්ත්‍රික මැදිහත්වීමක් මධ්‍යයේ ඉරානය පකිස්ථානය හරහා එක්සත් ජනපදය සමඟ පණිවිඩ හුවමාරු කර ගෙන ඇත.