ඇමෙරිකාවෙන් ඉරානයට නව ප්‍රහාර මාලාවක්

ඉරාන හමුදා හෝමූස් සමුද්‍ර සන්ධිය හරහා ගමන් කරන නෞකාවකට පහර දීමත් සමඟ ඇමරිකා එක්සත් ජනපදය 
ඉරානයට එරෙහිව නව ප්‍රහාර මාලාවක් දියත් කළේය.

ඇමරිකානු ප්‍රහාරවලට ප්‍රතිචාර වශයෙන්, ඉරානයේ ඉස්ලාමීය විප්ලවවාදී ආරක්ෂක බලකාය (IRGC) පැවසුවේ නැවත දැනුම් දෙන තුරු ජල මාර්ගය වසා දමා ඇති බවත් කලාපයේ ඇමරිකානු කඳවුරු සහ හිතවාදීන්ට ප්‍රහාර දියත් කළ බවත්ය.

එක්සත් අරාබි එමීර් රාජ්‍යය, කටාර්, කුවේට් සහ බහරේන් යන රටවල් සියල්ලම ඉරාන මිසයිල සහ ඩ්‍රෝන යානා වලට ප්‍රතිචාර දැක්වූ අතර IRGC පැවසුවේ තමන් ජෝර්දානයේ ඇමරිකානු කඳවුරකට පහර දුන් බවයි.

මෙම සතිය මුලදී වාණිජ නෞකා තුනකට පහර දුන් සිදුවීම් වලින් පසුව එය සිදු වූ අතර එමඟින් එක්සත් ජනපදය සහ ඉරානය අතර ප්‍රහාර හුවමාරුවක් සිදුවිය.

ඉරානය පැවැසුවේ අනුමත නොකළ මාර්ගයක යාත්‍රා කිරීමට උත්සාහ කළ නෞකාවකට නාවික කෲස් මිසයිලයක් එල්ල කළ බවත් නැවත දැනුම් දෙන තුරු සමුද්‍ර සන්ධිය වසා දැමූ බවයි.

ආරක්ෂකයින් පැවසුවේ නැවත නැවතත් උපදෙස් නොසලකා හැරීමෙන් පසු නෞකාව "අනතුරු ඇඟවීමේ වෙඩි පහරවලට ලක් වී නතර වූ" බවයි.

වසා දැමීමේ ප්‍රතිඵලයක් ලෙස සිදුවන ඕනෑම එක්සත් ජනපද "ආක්‍රමණයකට" "බරපතල" ප්‍රතිචාර දක්වන බවත් කලාපයේ නව කඳවුරු ඉලක්ක කරන බවත් ඉරානය අනතුරු ඇඟවීය.

එක්සත් ජනපදය සමඟ රටේ ප්‍රධාන සාකච්ඡාකරු ද වන ඉරාන පාර්ලිමේන්තු කථානායක මොහොමඩ් බගර් ගලිබාෆ්, 
"ඒකපාර්ශ්වික ගනුදෙනු යුගය අවසන්" බව X හි ලිවීය.