ආණ්ඩුවට බදු ගෙවන්න එපා - විමල්

රජයේ මුදලින් එල්ටීටීඊ සාමාජිකයන්ට වන්දි ගෙවීමේ සූදානමක් ඇති බැවින් බදු ගෙවීමෙන් වළකින්නැයි ජනතාවගෙන් ඉල්ලා සිටින බව ජාතික නිදහස් පෙරමුණේ නායක විමල් වීරවංශ මහතා අද (20දා) පැවසීය.

හෙතෙම මේ බව ප්‍රකාශ කළේ කොළඹ පැවති මාධ්‍ය හමුවකදී අදහස් දක්වමිනි.

දෙමළ ඊළම ලබාදී රට බෙදීමේ වැඩපිළිවෙළට ජනාධිපති මෛත්‍රීපාල සිරිසේන මහතා හා අග්‍රාමාත්‍ය රනිල් වික්‍රමසිංහ මහතා උදව් කරන ආකාරය පැහැදිලිව පෙනෙන්නට තිබෙන බවත්, ලෝකයේ කිසිම රටක ත්‍රස්ථවාදී සංවිධානවල සාමාජිකයන්ට වන්දි ගෙවා නැති බවත් මන්ත්‍රීවරයා මෙහිදී සඳහන් කළේය.

කොටි සාමාජිකයන්ට වන්දි ගෙවීමට තීරණය කර තිබෙන්නේ ආණ්ඩුවට මොළේ අමාරුව හැදී ඇති නිසා බවත්, එවැනි ආණ්ඩුවකට බදු ගෙවීමේ අවශ්‍යතාවක් නොමැති බවත් ඒ මහතා වැඩිදුරටත් ප්‍රකාශ කළේය.