අහුන්ගල්ල වෙඩි තැබිමට සම්බන්ධ සැකකරුවෙක් හා ගිනි අවිය අත්අඩංගුවට

2026.10.04 වන අද දින අළුයම අහුන්ගල්ල පොලිස් වසමේ ගල්වෙහෙර ප්‍රදේශයේ නිවසක සිටි වයස අවුරුදු 74 ක පුද්ගලයෙකුට වෙඩි තබා තුවාල සිදු කිරීමේ සිද්ධිය සම්බන්ධයෙන් ගාල්ල දිසා අපරාධ කොට්ඨාසය මගින් විමර්ශනයක් ආරම්භ කර තිබුණි. 

ඒ අනුව 2026.10.04 වන දින දහවල් අහුන්ගල්ල පොලිස් වසමේ ගල්වෙහෙර ප්‍රදේශයේදී මෙම අපරාධයට සම්බන්ධ සැකකරුවෙකු විමර්ශන නිලධාරීන් විසින් අත්අඩංගුවට ඇත.සැකකරු අවුරුදු 26 ක් වන අහුංගල්ල ප්‍රදේශයේ පදිංචිකරුවෙකි.

සැකකරුගෙන් සිදු කරන ලද වැඩිදුර ප්‍රශ්න කිරීමේදී අනාවරණය වූ තොරතුරු මත මෙම අපරාධයට යොදාගත් බවට සැකකරන පිස්තෝල අවියක්ද ගල්වෙහෙර ප්‍රදේයේ නිවසක සඟවා තිබියදී සොයාගෙන ඇත. ගාල්ල දිසා අපරාධ කොට්ඨාසය මගින් වැඩිදුර විමර්ශන සිදු කරනු ලබයි.