අන්තර්ජාලය හරහා බැංකු ගිණුම් 02කට රිංගු 08ක් දැලේ

අන්තර්ජාලය හරහා පෞද්ගලික බැංකුවක ගිණුම් දෙකකින්  රුපියල් 13,765,000ක මුදල් වංචා කිරීමකට අදාළව සැකකරුවන් 8දෙනෙක් මූල්‍ය හා වාණිජ අපරාධ විමර්ශන කොට්ඨාසය විසින් අත්අඩංගුවට ගෙන තිබේ.

අපරාධ පරීක්ෂණ දෙපාර්තමේන්තුවේ මූල්‍ය හා වානිජ අපරාධ විමර්ශන කොට්ඨාසයට ලද පැමිණිල්ලකට අනුව  මෙම සැකකරුවන්  අත්අඩංගුවට ගෙන ඇත.

අත්අඩංගුවට ගත් සැකකරුවන් අවුරුදු 22ත් 36ත් අතර වයස්වල පසුවන ගාල්ල, වැලිගම, රත්ගම, වාද්දූව හා පට්ටියගෙදර යන ප්‍රදේශවල පදිංචිකරුවන් වේ.

සැකකරුවන් කොටුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව හෙට (30දා) දක්වා රක්ෂිත බන්ධනාගාර ගත කර ඇත.