අධික වැසි හේතුවෙන් පුද්ගලයන් 98ක් ආපදාවට

රට තුළ පවතින අධික වර්ෂාවත් සමඟ ඇති වූ ආපදා තත්වයන් හේතුවෙන් දිස්ත්‍රික්ක තුනක පවුල් 28 ක පුද්ගලයින් 98 ක් අද (4) පෙරවරු 6.00 වන විට පීඩාවට පත්ව ඇති බව ආපදා කළමනාකරණ මධ්‍යස්ථානය සඳහන් කරයි

බස්නාහිර පළාතේ සහ කළුතර දිස්ත්‍රික්කයේ පවුල් 15 ක පුද්ගලයින් 50 ක්ද, දකුණු පළාත් ගාල්ල දිස්ත්‍රික්කයේ පවුල් 7 ක පුද්ගලයන් 24 ක් සහ සබරගමුව පළාතේ රත්නපුර දිස්ත්‍රික්කයේ පවුල් 6 ක පුද්ගලයන් 24 ක් මෙසේ පීඩාව පත්ව සිටින බවත් ගස් පෙරළීම, සුළං සහ විදුලිකෙටීම යන අනතුරුවලින් මෙම පුද්ගලයන් අපදාවට පත්ව සිටින බවත් ආපදා කළමනාකරණ මධ්‍යස්ථානය කියයි.  

මෙම අනතුරුවලින් නිවාස 26 කට අර්ධ හානි වී ඇති බව ද එම මධ්‍යස්ථානය වැඩි දුරටත් සඳහන් කරයි.