අක්ෂි සැත්කම්වලින් පසු පෙනීම අහිමි වූ තවත් රෝගීන් 4ට වන්දි

අක්ෂි සැත්කම්වලින් පසු ප්‍රෙඩ්නිසිලෝන් ඇසිටේට් ඖෂධ්‍ය ලබා දීමෙන් අනතුරුව පෙනීම අහිමි වූ තවත් රෝගීන් හතර දෙනෙක් වෙනුවෙන් රුපියල් මිලියනය බැගින් වන්දි ලබාදීමට කැබිනට් අනුමැතිය හිමිව තිබේ.

 2023-03-03 සහ එම වසරේම මැයි මස 16 වැනි දින අතර කාලය තුළ එම ඖෂධය භාවිත කිරීම හේතුවෙන් නුවරඑළිය දිස්ත්‍රික් මහ රෝහලේ අක්ෂි සැත්කම් සඳහා භාජනය වූ රෝගීන් කිහිප දෙනෙකුගේ පෙනීම අහිමි වී  හෝ තවදුරටත් දුවර්වල වීමේ සිදුවීම් වාර්තා වී තිබුණි.

ඒ පිළිබඳව පැවැති විමර්ශනයක ප්‍රතිඵල මත පදනම්ව නුවරඑළිය දිස්ත්‍රික් මහ රෝහලේහි අක්ෂි ශල්‍යකර්මයන්ට බඳුන් වීමෙන් පසු දෘෂ්ටිය අහිමි වූ රෝගීන් 17 දෙනෙකු සඳහා මේ වන විට වන්දි ලබා දී තිබේ.

අදාළ කාලය තුළදීම නුවරඑළිය දිස්ත්‍රික් මහ රෝහල ඇර අනෙකුත් රෝහල්වල අක්ෂි සැත්කම්වලට භාජනය වීමේදී එම ඖෂධය භාවිත කිරීම හේතුවෙන් අක්ෂි ආබාධයන්ට ලක්වී ඇති රෝගීන් සම්බන්ධයෙන් පරීක්ෂා කර බලා වාර්තා කිරීම පිණිස පත් කරන ලද තාක්ෂණික කමිටුව විසින් අනධභාවයට පත් තවත් රෝගීන් 04 දෙනෙකු සඳහා වන්දි ලබා දීමට නිර්දේශ කර තිබේ.