UNP හා SLFP ජාතික ආණ්ඩුවක් තිබිය නොහැකියි

ශ්‍රී ලංකා නිදහස් පක්ෂය සහ එක්සත් ජාතික පක්ෂය එකතු වූ ජාතික ආණ්ඩුවක් තිබිය නොහැකි බව බස්නාහිර ප්‍රධාන අමාත්‍ය ප්‍රසන්න රණතුංග මහතා පැවසීය.

මෙම පක්ෂ 2 එකතුව ආණ්ඩුවක් කිරීමට යාමෙන් පක්ෂ දෙකෙහි පාක්ෂිකයන් ගැටුම් ඇති කර ගැනීමට ඉඩ තිබෙන බව රණතුංග මහතා සඳහන් කළේය.

ඒ මහතා වැඩිදුරටත් සඳහන් කළේ ජාතික ආණ්ඩුවක් නිර්මාණය කිරීමට අවශ්‍ය නම් ප්‍රධාන පක්ෂ 2 ට අමතරව ජනතා විමුක්ති පෙරමුණ, දෙමළ ජාතික සන්ධානය ඇතුළු අනෙකුත් දේශපාලන පක්ෂවල මහජන නියෝජිතයන්ද ඇමතිධුර දරමින් පාලනය ගෙනයෑම අවශ්‍ය බවය.