TRC ලිපියයි ශාන්ගේ ලිපියයි පරස්පරයි

ටීඑන්එල් නාළිකාවේ විකාශන කටයුතු අත්හිටුවීම සම්බන්ධව එම නාළිකාවේ සභාපති ශාන් වික්‍රමසිංහ මහතා සහ විදුලි සංදේශන නියාමන කොමිෂන් සභාව තමන්ට එවා ඇති ලිපි දෙකක සඳහන් කරුණුවල පරස්පරතාවක් තිබෙන බව මුදල් හා ජනමාධ්‍ය අමාත්‍ය මංගල සමරවීර මහතා පාර්ලිමේන්තුවේදී අද (07දා) ප්‍රකාශ කළේය.

මේ සම්බන්ධව තවදුරටත් කරුණු සොයා බලන බවත්, ඉදිරි දිනවලදී ශාන් වික්‍රමසිංහ මහතා මේ පිළිබඳව නීතිමය පියවර ගන්නා බවට දන්වා තිබෙන බවත්, ඇමතිවරයා මෙහිදී සඳහන් කළේය.