IS ඉස්ලාම් රාජ්‍ය ත්‍රස්තයන් 50000ක් දැනට මිය ගිහින්

මීට වසර දෙකකට පෙර ඉරාකයේ හා සිරියාවේ IS ඉස්ලාම් රාජ්‍ය ත්‍රස්තයන්ට එරෙහි ප්‍රහාර ඇරඹීමත් සමග මේ දක්වා ජිහාඩ් අන්තවාදීන් 50,000ක් මියගොස් ඇති බව විදෙස් වාර්තා පවසයි.

ඇමෙරිකාව ප්‍රමුඛ ඒකාබද්ධ සන්ධානය මෙන්ම, රුසියාවද මේ වනවිට ඉස්ලාම් රාජ්‍ය ත්‍රස්තයන්ට එරෙහිව සිය මෙහෙයුම් ක්‍රියාත්මක කරමින් සිටියි.

ජිහාඩ් අන්තවාදීන්ට සිදුවූ හානිය දැක්වෙන මෙම අගයන් ආසන්න ඇස්තමේන්තු මත ප්‍රකාශ කරන බව ඇමෙරිකානු ආරක්ෂක අංශ පෙන්වා දෙයි.

කෙසේ වෙතත්, ඇමෙරිකානු ගුවන් හමුදාව විසින් එල්ල කරනු ලබන දැවැන්ත ප්‍රහාර මාලාව මෙන්ම, ගොඩබිම් හමුදාවන්ට ලබාදෙන සහාය මේ ආකාරයෙන් ජිහාඩ් අන්තවාදීන් විශාල පිරිසකගේ ජීවිත හානිවලට හේතුව බවද විදෙස් වාර්තා පවසයි.

මේ ආකාරයෙන් තම ත්‍රස්තයන් විශාල පිරිසක් මේ වනවිට අහිමි වී තිබුණත්, ඔවුන් සාමාන්‍ය වැසියන්ද වේගයෙන් සිය මෙහෙයුම්වලට සම්බන්ධ කරගැනීමක් මෙන්ම, අලුතින් බඳවා ගැනීම් සිදුකරන බවද ඇමෙරිකානු ආරක්ෂක අංශ වැඩිදුරටත් පෙන්වා දෙයි.