ෆොන්සේකාගේ ආධාර මීරියබැද්දට එපාලු

හිටපු යුද හමුදාපති සරත් ෆොන්සේකා මහතා කොස්ලන්ද මීරියබැද්ද ප්‍රදේශයේ සිදුවූ නායයෑමෙන් අවතැන්වූ පිරිස්වල සුවදුක් බැලීමට අද (06දා) පෙරවරුවේ එහි ගියේය. පසුව ෆොන්සේකා මහතා රැගෙන ආ වියළි ආහාර ද්‍රව්‍ය හා ඇඳුම් පැලඳුම් කඳවුරේ රැඳවියන්ට බෙදාදීමට සැරසෙද්දී කඳවුරේ නිලධාරීන් විසින් එය ප්‍රතික්‍ෂේප කළ අතර, එම භාණ්ඩ භාරගැනීමද නිලධාරීන් විසින් ප්‍රතික්ෂේප කරන ලදී.

අනතුරුව තමන්ගෙන ආ ආධාර ද්‍රව්‍ය කොවිලන්ද ගනේෂා විදුහලේ ගේට්ටුව අසල ගොඩගසා සරත් ෆොන්සේකා මහතා එම ස්ථානයෙන් පිටත්විය. අනතුරුව පැමිණි ආපදා කළමනාකරණ නිලධාරීහු එම භාණ්ඩ තොගය වාහනයක පටවා ගෙන අවතැන් කඳවුර වෙත රැගෙන ගියහ.

නයනානන්ද බුවනෙක