හෙරොයින් කිලෝ 01ක් සමග පාකිස්තාන ජාතිකයා හසුවෙයි

හෙරොයින් කිලෝග්‍රෑම් 01ක් සන්තකයේ තබාගත් පාකිස්තාන ජාතිකයෙකු බම්බලපිටිය හෝටලයක් තුලදී අත්අඩංගුවට පත්ව තිබේ.

පොලිස් මත්ද්‍රව්‍ය කාර්යාංශයේ නිලධාරීන්ට ලද තොරතුරක් මත ඊයේ (24දා) රාත්‍රී 7.30 ට පමණ සිදුකළ වැටලීමකදී මෙම සැකකරු අල්ලා ගැනීමට හැකිවී තිබේ.

අත්අඩංගුවට පත් සැකකාර පාකිස්තාන ජාතිකයා වයස අවුරුදු 32ක් වන අයෙකි. ඔහු අද (25දා) අලුත්කඩේ මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබූ අතර, පොලිස් මත්ද්‍රව්‍ය කාර්යාංශය වැඩිදුර විමර්ශන පවත්වාගෙන යනු ලබයි.

එමෙන්ම, හෙරෙයින් ග්‍රෑම් 500ක් සන්තකයේ තබාගත් පුද්ගලයෙකුද ඊයේ (24දා) වැල්ලවත්ත දුම්රිය පොළ අසලදී අත්අඩංගුවට ගෙන තිබුණු අතර, සැකකරු වයස අවුරුදු 40ක මීගමුව ප්‍රදේශයේ පදිංචිකරුවෙකු බව පොලීසිය පවසයි. මෙම සැකකරු ගල්කිස්ස මහේස්ත්‍රාත් අධිකරණය වෙත ඉදිරිපත් කිරීමට නියමිතව තිබුණි.