හයිඩ් පිටිය දෙන්නෙක් ඉල්ලති

හෙට දිනයේදී මැයි දින රැලිය පැවැත්වීම සඳහා කොළඹ හයිඩ් පිටිය දෙපාර්ශ්වයක් විසින් ඉල්ලා තිබේ. ලංකා බැංකු සේවක සංගමය හා වෘත්තීය සමිති සම්මේලනය හයිඩ් පිටිය ඉල්ලූ එම පාර්ශ්ව දෙක වේ.

දෙපාර්ශ්වය විසින්ම හයිඩ් පිටිය ඉල්ලා සිටි හෙයින් ඇතිවූ ආරවුල් තත්ත්වය හේතුවෙන් එය විසඳීමට මෙකී කරුණ කොටුව අධිකරණය වෙත රැගෙන යාමට කොම්පඤ්ඤවීදිය පොලීසිය කටයුතු කළේය.

ඒ අනුව ඉදිපත්වූ කරුණු සලකා බැලූ කොටුව මහේස්ත්‍රාත් තිළිණ ගමගේ මහතා ලංකා බැංකු සේවක සංගමයට හයිඩ් පිටිය ලබාදීමට නියෝග දී තිබේ.