හම්බන්තොට පන්සලකට ගිනිතියලා?

හම්බන්තොට සිරිබෝපුර ශ්‍රී ජයබෝධි විහාරයට අද (20දා) පෙරවරුවේ ත්‍රිවිල් රථයකින් පැමිණි පිරිසක් පන්සලේ දාන ශාලාවේ සිවිලිමට ගිනි තබා පලාගිය බව එම විහාරයේ විහාරාධිපති බරවකුඹුකේ නාරද හිමියෝ හම්බන්තොට මූලස්ථාන පොලීසියට පැමිණිලි කර තිබේ .

 අද (20) පෙරවරු 9.30 පමණ ත්‍රිරෝද  රථයකින් පැමිණි පිරිසක් විහාරය ඉදිරිපිට රථය නවතා පසුව ඉන් එක් අයෙකු විහාරයට පැමිණ විහාරයේ දාන ශාලාවේ සිවුරු සහිත සිවිලිමට ගිනි තබා පලා ගොස් ඇතැයි නාරද හිමියෝ පොලීසියට කළ පැමිණිල්ලේ සඳහන් වෙති.

ගින්න පැතිරීමට මත්තෙන් එය නිවා දැමීමට කටයුතු කළ බවත් එම නිසා දැඩි හානියක් සිදුනොවූ බවත් උන්වහන්සේ පොලීසියට  පවසා තිබේ.

ගිනිතැබීම සම්බන්ධයෙන්  සැකකරුවන් අත්අඩංගුවට ගැනීමට  හම්බන්තොට මුලස්ථාන පොලිසිය පරීක්ෂණයක් ආරම්භ කර තිබේ.