සාමසාර කන්ද වැසියන්ට තවත් ගැටලුවක්

නායයෑම හේතුවෙන් අවතැන් වූ අරණායක සාමසර කන්දේ ජනතාව රඳවා සිටින කුඩාරම්ද වැසි ජලයෙන් යට විමට පටන් ගෙන ඇති අතර සමහර කුඩාරම් මෙ වන විට දිරාපත් වි ඇති බව වාර්තා වෙයි.

උස්සාපිටිය, දිප්පිටිය විල්පොල, මොරාගම්මන, වැනි ප‍්‍රදේශ වල කුඩාරම් ස්ථාන ගත කර ඇති අතර එහි  පවුල් 150 කට ආසන්න පිරිසක් ජිවත් වෙයි.  මේ දින වල පවතින වර්ෂාව හේතුවෙන් කුඩාරම් පිහිටි බිම් බොහෝමයකට ජලය ගලාඒම හේතුවෙන් කුඩාරම් නිවාස වල ඇතුළත මඩ වී තිබේ.

කුඩා දරුවන් මෙන්ම වැඩිහිටියන් ද නිතරම රෝගී වෙන බවත් ප‍්‍රදේශය පුරා දුගඳ හමන බවත් ඒ පිළිබඳව සෞඛ්‍ය අංශ වල අවධානය ද අඩු වි ඇති බවත් ජනතාව පවසති.

මාවනැල්ල සමන් විජය බණ්ඩාර