සයිටම් පරාජය කිරීමට පෙරමුණ ගන්නවා

සයිටම් අහෝසි කරන ලෙස පොදු මහජනතාව පාරට බැස සටන් කරනවිට කසාය බීපු ගොළුවන් සේ රනිල්-මෛත්‍රී ඇතුළු ආණ්ඩුවේ නඩය මුනිවත රකිමින් සිටින බව ජනතා විමුක්ති පෙරමුණ සඳහන් කරයි.

සයිටම් ආයතනය සම්බන්ධයෙන් ඇතිවී තිබෙන ගැටලුවට සියලුදෙනාට පිළිගත හැකි විසඳුමක් ලබාදෙන බවට රනිල් මෛත්‍රී සඳහන් කරන බවත්, එහෙත් විනාශකාරී සයිටම් ආයතනයට සාධාරණයක් වන විසඳුමක් ලබාදිය නොහැකි බවද එම පක්ෂයේ නායක අනුර කුමාර දිසානායක මහතා සඳහන් කළේය.

මේ නිසා සයිටම් වසාදමන ලෙස ඉල්ලා ගොඩනැගෙමින් තිබෙන පුළුල් ජනතා බලවේගයට නායකත්වය ලබාදෙමින් සයිටම් වසාදමන තුරු අරගල කරන බවද හෙතෙම පවසා සිටියේය.

සයිටම් වසාදමන ලෙස ඉල්ලා ජනතා විමුක්ති පෙරමුණ කොළඹ ටෙක්නිකල් හන්දියේ සිට කොළඹ කොටුව දක්වා විරෝධතා පාගමනක් පැවැත් වූ අතර, ඉන් පසුව දුම්රියපොළ ඉදිරිපිට පැවැති විරෝධතා රැළියට සහභාගි වෙමින් හෙතෙම මේ බව සඳහන් කළේය. 

ඡායාරූප - ඉසුරු පෙරේරා