සයිටම් අධ්‍යක්‍ෂක මණ්ඩලයට එක්විය යුතු ඇමතිවරු ගැන GMOA කියයි

නීති විරෝධී සයිටම් ආයතනය රැකගැනීමට කටයුතු කරන සෞඛ්‍ය ඇමැතිවරයාත් උසස් අධ්‍යාපන අමාත්‍යවරයාත් සයිටම් අධ්‍යක්ෂක මණ්ඩලයට පත්කළ යුතු බව රජයේ වෛද්‍ය නිලධාරීන්ගේ සංගමය සඳහන් කරයි.

මෙම දෙදෙනාම කටයුතු කළ යුත්තේ රාජ්‍ය අධ්‍යාපනය රාජ්‍ය සෞඛ්‍ය රැකගැනීමට වුවත් ඔවුන් සෑම විටම කටයුතු කරන්නේ සයිටම් ආයතනය රැකගැනීමට බවද එම සංගමයේ සහකාර ලේකම් වෛද්‍ය හරිත අලුත්ගේ මහතා සඳහන් කළේය.

රාජ්‍ය වෛද්‍ය අධ්‍යාපනය හෑල්ලුවට ලක්කරමින් කටයුතු කරන මෙම ඇමැතිවරුන් දෙදෙනාට අමතරව ජනතාව ප්‍රතික්ෂේප කළ එහෙත් පක්ෂයේ අනුකම්පාවක් මත ඇමැතිවරයෙකු වූ පුද්ගලයෙකුත් සයිටම් රැකගැනීමට කටයුතු කරමින් සිටින බවද අද (25දා) පැවැති මාධ්‍ය සාකච්ඡාවකදී හෙතෙම සඳහන් කළේය.