සයනයිඩ් කා මියගිය පළමු කොටි සාමාජිකයා යාපනයේදී සමරයි

එල්.ටී.ටී.ඊ. සංවිධානය පැවති සමයේදී සයිනයිඩ් කා මියගිය පළමු මහවිරු සාමාජිකයා වූ පොන් සිවකුමරන් මියගොස් අදට (05) වසර 44 ක් පිරීම නිමිත්තෙන් ඔහු සිහිකරමින් උතුරු පළාත් සභාවේ දෙමළ ජාතික සන්ධානයේ මන්ත්‍රී එම්.කේ.සිවාජිලිංගම් ඇතුළු පිරිසක් විසින් පහන් දැල්වීමේ වැඩසටහනක් සංවිධානය කොට තිබුණි.

යාපනය උරුම්පිරායි පොදු වෙළඳසැළ ඉදිරිපිට පිහිටි පොන් සිවකුමරන්ගේ පිළිරුව ඉදිරිපිටදී පහන් දල්වා මියගිය හිටපු කොටි සාමාජිකයා සිහි කළේය.

යුද සමයේදී එල්.ටී.ටී.ඊ. සංවිධානය විසින් යාපනයේ පිහිටි බැංකු මංකොල්ලකන කාලවකවානුවේදී යාපනය කෝපායි ප්‍රදේශයේ පිහිටි බැංකුවක් මංකොල්ලකන බවට යාපනය පොලීසිය තොරතුරු ලැබීමෙන් පසුව පොලීසිය විසින් අදාළ බැංකුව වටලන අවස්ථාවේදී බැංකු මංකොල්ලකමින් සිටි පොන් සිවකුමරන් නැමත්තා පොලීසියට හසුවීමට ආසන්න අවස්ථාවේදී සයිනයිඩ් කරලක් කා මියගොස් ඇත.