සන්ධාන අධාරකරුවෝ දෙදෙනෙක් අනතුරකින් ජීවිතක්ෂයට

එක්සත් ජනතා නිදහස් සන්ධානයේ දකුණු පළාත් සභා මැතිවරණ අපේක්ෂක ආරියවංශ ෂම්මුගේ මහතාගේ ආධාරකරැවන් පිරිසක් ගමන් ගත් කැන්ටර් වර්ගයේ ට්‍රක් රථයක් ගාල්ල, රත්ගම ප්‍රදේශයේදී අනතුරට ලක් වීමෙන් පුද්ගලයින් දෙදෙනෙකු ජීවිතක්ෂයට පත්වී  තවත් පුද්ගලයින් 8 දෙනෙකු තුවාල ලබා සිටිති.

රත්ගම, ඕවකන්ද ප්‍රදේශයේදී ගමන්ගත් ට්‍රක් රථය මාර්ගයෙන් ඉවතට පැන අනතුරට ලක්ව ඇති බව පොලීසිය සඳහන් කරයි.

සිද්ධියෙන් තුවාල ලැබූ පුද්ගලයින්  ගාල්ල, කරාපිටිය රෝහලට ඇතුළත් කරතිබේ. තුවාල කරැවන්ගෙන් ඔවුන්ගෙන් දෙදෙනෙකු අසාධ්‍ය තත්ත්වයේ පසුවන බවද වාර්තාවේ.

අනතුරට ලක්ව ඇත්තේ, එක්සත් ජනතා නිදහස් සන්ධානයේ ආධාරකරුවන් පිරිසක් බව පොලිස් මාධ්‍ය ප්‍රකාශක අජිත් රෝහණ මහතා පැවසීය.