ශ්‍රී ලංකන් ගුවන් යානය වායු අවපාතයකට මැදිවෙයි

මගීන් 193 ක් රැගත් ශ‍්‍රී ලංකන් ගුවන්යානයක් ප‍්‍රංශයේ පැරිස් නුවර  සිට ශ‍්‍රී ලංකාව බලා එමින් සිටියදී හදිසියේම ඇති  වායු අවපාතයකට මැදිව කාර්ය මණ්ඩලයේ පස්දෙනෙකු  සුළු ආබාධ තත්වයකට පත්ව ඉන් හතර දෙනෙකු රෝහල් ගතකර ඇති බව වාර්තාවෙයි.

ශ‍්‍රී ලංකන් ගුවන්සේවයේ මාධ්‍ය ප‍්‍රකාශක දීපාල් පෙරේරා මහතාගෙන්  විමසු විට ඔහු පැවසුවේ  අදාල ගුවන්යානය ගුවන්ගතව ශ‍්‍රී ලංකා ගුවන් අවකාශයට පැමිණීමෙන් අනතුරුව වායු අවපාතයට මැදිව ඇති බවයි.

මේ අවස්ථාව වන විට  ගුවන්යානයේ මගීන් 193 දෙනෙකු සහ කාර්ය මණ්ඩලය 16 දෙනෙකු ගමන් කළ  බවත්  වායු අවපාතයට  මැදිව යානය ගැස්සීම නිසා  කාර්යමණ්ඩලයේ පස් දෙනෙකු සුළු ආබාධායන්ට පත්ව ඇති බවත් ඔහු කීවේය.

කෙසේ වෙතත් අදාල ගුවන්යානය අද අළුයම 5.21 ට කටුනායක බණ්ඩාරණායක ජාත්‍යන්තර ගුවන්තොටුපොළ වෙත පැමිණීමෙන් අනතුරුව  ආබාධයන්ට ලක්වු කාර්යමණ්ඩල නිලධාරියින් ගුවන්තොටුපොළ වෛද්‍ය ඒකකයට ඉදිරිපත් කිරීමෙන් අනතුරුව එක් අයෙකු ප‍්‍රථකාර ලබා පිටව ගොස් ඇති අතර  ඉතිරි සිව් දෙනා වැඩිදුර වෛද්‍ය පරීක්ෂණ සදහා කොළඹ නවලෝක රෝහලට ඇතුලත් කර ඇත.