ශ්‍රී පාදයට විශාල පිරිසක් - 15km වාහන පොළිමක්

දින තුනක සති අන්ත නිවාඩුව හේතුවෙන් ශ්‍රී පාදස්ථානය වන්දනා කිරීමට දිවයිනේ විවිධ ප්‍රදේශවල සිට හැටන් මාර්ගය ඔස්සේ පමණක් ලක්‍ෂ දහයකට ආසන්න වන්දනාකරුවන් පිරිසක් පැමිණි බව නල්ලතන්නිය පොලීසිය පැවසිය.

ඊයේ (20දා) දින ශ්‍රී පාද වන්දනාකරුවන් පැමිණි බස් රථ සහ වෑන් රථ නල්ලතන්නිය ප්‍රධාන මාර්ගයේත් නල්ලතන්නිය මස්කෙළීය ප්‍රධාන මාර්ගයේත් මාවුස්සා කැලේ මංසන්ධියේ සිට නොර්ටන්බිජ් ප්‍රධාන මාර්ගයේත් කිලෝ මිටර් පහළොවක් දුරට ගාල් තිබුණි.

රථ වාහන තදබදය හේතුවෙන් කිලෝ මිටර් දහයක් පමණ පයින් ගමන් කිරිමට සිදුව තිබේ. එසේම බොහෝ පිරිසකට පද්මය වැදපුදා ගැනිමටද නොහැක තිබේ.