වෙලේ සුදා හා සිද්ධික් සතුව බැංකු ගිණුම් 60ක්

අත්අඩංගුවට ගෙන සිටින මත්ද්‍රව්‍ය ජාවාරම්කරුවන් වන වෙලේසුදා නොහොත් සමන්ත කුමාරගේ සහ සිද්ධික් මොහොමඩ් නමැත්තා විසින් පවත්වාගෙන යනු ලැබූ ගිණුම් පිළිබඳ මූල්‍ය ආයතන තුළ සිදුකරනු ලබන පරීක්ෂණවලදී මොවුන් දෙදෙනා බැංකු ගිණුම් 60කට අධික ප්‍රමාණයක් පවත්වාගෙන ගොස් තිබෙන බවට හෙළි වී ඇතැයි පොලිස් මූලස්ථානය සඳහන් කරයි.

එම ගිණුම් ඔවුන්ගේ නම්වලින් සහ ඔවුන්ගේ ඥාතීන්ගේ සහ ළඟම හිතවතුන්ගේ නම්වලින් පවත්වාගෙන ගොස් තිබෙන බවට හෙළිවී ඇතැයිද පොලිස් මාධ්‍ය ප්‍රකාශක සහකාර පොලිස් අධිකාරී නීතිඥ රුවන් ගුණසේකර මහතා සඳහන් ක‍ළේය.

බැංකු ගිණුම් පිළිබඳව සොයා බැලීමට මූල්‍ය ආයතන තුළ සිදුකරන පරීක්ෂණ කටයුතු අවසන් වී නොමැති බැවින් මොවුන් සතුව තවත් බැංකු ගිණුම් තිබිය හැකි බවද පවසා සිටියේය.