වෙබ් කතුවරයෙක් අත්අඩංගුවට ගන්න කීවේ නෑ

එංගලන්තයේ සිට ක්‍රියාත්මක වන ලංකාඊනිවුස් වෙබ් අඩවියේ කතෘ ප්‍රදීප් සඳරුවන් මහතා අත්අඩංගුවට ගන්නා ලෙස හෝ ඔහුව ශ්‍රී ලංකාවට පිටුවහල් කරන ලෙසට ජනපති මෛත්‍රීපාල සිරිසේන මහතා ශ්‍රී ලංකාවේ බ්‍රිතාන්‍ය මහ කොමසාරිස් ජේම්ස් ඩවුරිස් මහතාගෙන් ඉල්ලා ඇති බවට වාර්තා වන තොරතුරු අසත්‍ය බව ජනපති මාධ්‍ය අංශය නිවේදනය කරයි.

ජනපති මෛත්‍රීපාල සිරිසේන මහතා හා බ්‍රිතාන්‍ය මහ කොමසාරිස්වරයා අතර පැවැති හමුවේදී එවැනි කිසිම ඉල්ලීමක් කර නොමැති බවත් එම නිවේදනයේ වැඩිදුරටත් දැක්වෙයි.