වෙඩිල්ල තිබ්බේ වඳුරට වැදුණේ මිනිහට

වඳුරෙකුට තැබූ වෙඩිල්ලක් වැදී පුද්ගලයෙකු මිය යාමේ පුවතක් ඇඹිලිපිටිය, හම්බෙගමුව ප්‍රදේශයෙන් වාර්තා වෙනවා. යාබද ඉඩමේ සිටි පුද්ගලයෙකු විසින් මෙම වෙඩිතැබීම සිදුකර ඇති බවයි පොලීසිය පැවැසුවේ.

සිද්ධිය සම්බන්ධයෙන් වෙඩි තැබූ පුද්ගලයා අත්අඩංගුවට ගෙන තිබෙනවා. ඊයේ පස්වරුවේදී මෙම සිදුවීම සිදුව තිබෙනවා. වෙඩි සබ්ධය ඇසුණු වහාම මරණයට පත්වූ පුද්ගලයාගේ පපුව ප්‍රදේශයෙන් ලේ ගලායාමත් සමග ඔහුගේ බිරිඳ හා අසල්වැසියන් එක්ව මරණකරු රෝහල් ගත කර ඇති බවයි වාර්තාවෙන්නේ. මූලික පරීක්ෂණ වලදී අණාවරණය වි ඇත්තේ කොටන තුවක්කුවකින් වඳුරෙකුට තැබූ වෙඩිල්ලක් යාබද ඉඩමේ සිටි පුද්ගලයාට වැදී ඇති බවයි.