වී මිල වැඩි කළත් ආයෙත් එතනමයි- ඇමති මෛත්‍රී

මෙවර අය වැය මගින් වී මිල රුපියල් 6 කින් වැඩිකළද, ඒ තුලින්  රටේ  ගොවියාගේ,ආර්ථිකය  සමෘද්ධිමත් වී ඇත්ද යන්න සොයා බැලිය යුතු කරුණක් බව, ශ්‍රී ලංකා නිදහස් පක්ෂයේ මහ ලේකම්, සෞඛ්‍ය ඇමති මෛත්‍රීපාල සිරිසේන මහතා අවධාරණය කළේය

ඇමති වරයා මේ බව කියා සිටියේ අද (06) දා පස්වරුවේ මහා වැලි බී කලාපයේ ගොවි පවුල් 2000 ක් සදහා ඉඩම් ඔප්පු ප්‍රදානය කිරීමේ අවස්ථාවට එක්වෙමිනි. මෙහිදී වැඩි දුරටත් අදහස් දැක්වූ මෛත්‍රීපාල සිරිසේන මහතා

“දැන් රුපියල් හයකින් වැඩි කරපු වී කිලෝ එක රුපියල් හතළිහ උනහම ගොවි ජනතාව විදිහට ඔබ අප සතුටු වෙනවා. මෙහි තිබෙන අනෙක් පැත්ත ගොවි ආර්ථිකය කොතෙක් දුරට ශක්තිමත් වෙලා තියනවාද කියන කාරණාවයි.දැන් ගොවීයාගේ වී මිල වැඩි වුණා කියලා භූමිතෙල් මිලත් වැඩි කරනවා, ට්‍රැක්ටරයේ ගාස්තුවත් වැඩි කරනවා,බහු ජාතික සමාගම්වල කෘෂි නිෂ්පාදන වාගේම,කෘෂි රසායනවලත් මිලත් වැඩි කරනවා, ඔන්න ගොවීයාගේ වී මිල වැඩි කළා කියලා. මේ ඔක්කොම වැඩි වෙන කොට අපි ආයෙමත් එතනමයි.