විල්පත්තුව ගැන ඇමති බදියුදීන්ට එරෙහි පෙත්සමේ තීන්දුව සැප් 28දා

ජනතාව පදිංචි කරන මුවාවෙන් විල්පත්තු වනාන්තරය විනාශ කරන බවට අමාත්‍ය රිෂාඩ් බදියුදීන් මහතා ඇතුළු පිරිසකට එරෙහිව ගොනු කොට ඇති පෙත්සම සම්බන්ධයෙන් වූ තීන්දුව ලබන සැප්තැම්බර් 28 වැනිදා ප්‍රකාශයට පත්කරන බව අභියාචනාධිකරණය අද (05දා)දැනුම් දුන්නේය.

මෙම පෙත්සම සලකා බැලූ අභියාචනාධිකරණ විනිසුරු මහින්ද සමයවර්ධන මහතා ඒ බව දැනුම් දුන්නේය.

නීතිඥ නාගානන්ද කොඩිතුවක්කු මහතා විසින් අභියාචනාධිකරණයට පෙත්සමක් ඉදිරිපත් කරමින් ජනතාව පදිංචි කරන මුවාවෙන් විල්පත්තු වනාන්කරය එළි පෙහෙළි කොට එය විනාශ කරන බව සඳහන් කොට තිබිණි.