විජයගෙ මළගෙදරටවත් නොආ අය විජය සමරනවා

විජය යනු මානව හිතවාදී මිනිසෙකු බවත්, ඔහුගේ මූලික අරමුණ වූයේ උතුර හා දකුණ යාකරන සංහිඳියාව වන නමුත්  ඔහුගේ දර්ශනයට හාත්පසින්ම වෙනස් ප්‍රතිපත්ති ඇති විජයගේ  මළගෙදරටත් නො ආ සමහරුන් දැන් ඔහු සැමරීමට උත්සාහ දරන බවත් හිටපු ජනපතිනි චන්ද්‍රිකා බණ්ඩාරනායක කුමාරණතුංග මහත්මිය පැවසීය.

ඇය මේ  බව පවසා සිටියේ විජය කුමාරණතුංගයන්  පිළිබඳ පසුගියදා (15 දා)  කොළඹ 07 නව නගර ශාලාවේ පැවති 28 වැනි මහජන නවම් විරු සමරුව අමතමිනි.

"මගේ ඔළුව කුඩුවෙන්න වෙඩි තිබ්බත් ජනවාර්ගික අර්බුදය පිළිබඳ අප දරන මතවාදය වෙනස් කරන්නෙ නෑ යනුවෙන් විජය ප්‍රකාශ කර තිබෙනවා. එසේ තිබියදීත් පටු කැත දේශපාලන අරමුණු වෙනුවෙන් මියගිය විජයගේ මළගෙදරටවත් නොආ සමහරු දැන් ඔහුව සමරන්න උත්සව තියනවා" යනුවෙන් ඇය වැඩිදුරටත් පැවසීය.

 ඡායාරූපය ඒෂාන් ප්‍රනාන්දු