වැලි කියුබයක රාජ්‍ය භාගය දෙගුණවේ

වැලි සඳහා අයකරන රාජ්‍ය භාගය ජනවාරි පළමුවැනිදා සිට සියට සියයකින් ඉහළ දමන බව භූවිද්‍යා හා පතල් කාර්යාංශය සඳහන් කරයි.

දැනට වැලි කියුබ් එකක් රුපියල් 4,000ක් සේ සලකා රාජ්‍ය භාගය රුපියල් 160ක් වැලි කියුබ් එකකට අය කරන බවද එම කාර්යාංශයේ සභාපති කිත්සිරි දිසානායක මහතා පැවසීය.

එහෙත් එය ප්‍රමාණවත් මුදලක් නොවන බවත්, මෙම මුදල තීරණය කර තිබෙන්නේ 2007 වසරේදී බවත්හෙතෙම පවසා සිටියේය.

රජය වැලි කියුබ් එකක් රුපියල් 4,000ක මුදලකට ගණනය කළදඇතැම් ව්‍යාපාරිකයන් සමහර ප්‍රදේශවලදී වැලි කියුබ් එකක් රුපියල් 18,000ක් වැනි අධික මුදලකට අලෙවි කරන බවට වාර්තා වන බව සභාපතිවරයා සඳහන් කර සිටියේය.

මේ හේතුවෙන් රජයේ වැලි කියුබ් එකක් ගණනය කිරීමේ මිල රුපියල් 8,000 දක්වා ඉහළ දමා රාජ්‍ය භාගය ලෙස රුපියල් 320ක් අයකර ගැනීමට කටයුතු කරන බවද ඒ මහතා පවසා සිටියේය.