වැඩිහිටියෙකුට ගැටලුවක් නම් 118ට කියන්න

වැඩිහිටියන්ට ඇතිවන ගැටලු පිළිබඳව දැන්වීම සඳහා ජාතික වැඩිහිටි මහලේකම් කාර්යාලය යටතේ 24 පැයේම ක්‍රියාත්මක දුරකථන අංකයක් හඳුන්වා දී තිබේ. මේ අනුව ඕනෑම දුරකථන ජාලයකින්  118 අංකය ඇමතීමෙන් වැඩිහිටි ගැටලු ඉදිරිපත් කිරීමේ හැකියාව පවතී.

ඒ පිළිබඳව ජනතාව දැනුවත් කිරීමේ ප්‍ර‍චාරක වැඩසටහනක් සමාජ සවිබලගැන්වීම් සුබසාධන හා කඳුරට උරුමයන් පිළිබඳ ඇමැති එස්.බී දිසානායක මහතාගේ ප්‍ර‍ධානත්වයෙන් අද (15දා) ආරම්භ විය.

 කොළඹ මධ්‍යම බස් නැවතුම් පොළේදී බස් රථවල ප්‍රචාරක ස්ටිකර් ඇලවීම සඳහා ජාතික වැඩිහිටි ලේකම් කාර්යාලයේ නිලධාරීන් හා එක්වූ ඇමැතිවරයා පසුව මාධ්‍ය  හමුවේ අදහස් පළ කරමින් මෙරට වැඩිහිටියන් සඳහා ගෞරවනීය සමාජයක් ගොඩනැංවීමට ක්‍රියා කරන බවද පැවසුවේය.