ව්‍යාපෘති හා මිලදී ගැනීම් ගැන සෙවීමට ත්‍රිපුද්ගල කමිටුවක්

2014 දෙසැම්බර් 31 වැනිදාට පෙර සිදුකරන ලද නිරවුල් නොවූ රජයේ විවිධ ව්‍යාපෘති සහ මිලදී ගැනීම් පිළිබඳ සොයාබැලීම සඳහා ත්‍රිපුද්ගල කමිටුවක් පත් කර තිබේ.
කැබිනට් මණ්ඩලයේදී ගනු ලැබූ තීරණයකට අනුව දැනට සේවයේ නියුතු සහ විශ්‍රාමික රාජ්‍ය නිලධාරීන්ගෙන් සමන්විත කමිටුවක් මේ සඳහා පත්කර ඇති බව මුදල් අමාත්‍යාංශය සඳහන් කරයි.
2014 වසරේ දෙසැම්බර් මස 31 වන දිනට පෙර සිදුකරන ලද රජයේ ව්‍යාපෘති සහ මිලදී ගැනීම් වෙනුවෙන් නිරවුල් කළ යුතුව තිබූ එහෙත් නිරවුල් නොවු ව්‍යාපෘති සඳහා ගෙවීම් සිදුකිරීම් පිළිබඳ සොයා බැලීමට රජය ගත් තීරණයට අනුව මෙම කමිටුව පත්කර තිබේ.
අදාළ කමිටුව විසින් එම ව්‍යාපෘතිවලට අදාළ ගනුදෙනු රජයේ පිළිගත්  මූලධර්ම හා මූල්‍යමය වටිනාකම ලැබෙන අයුරින් ප්‍රසම්පාදන කමිටුවල අනුමැතිය යටතේ ඉටුකර ඇත් ද යන්න තහවුරු කිරීම අදාළ කමිටුව වෙත පැවරී ඇති බව මුදල් අමාත්‍යාංශය පවසයි.