වර්ෂාව පැවතියහොත් දිස්ත්‍රික්ක 7ක නාය යෑමේ අවදානමක්

වර්ෂා තත්ත්වය දිගටම පැවැතියහොත් රත්නපුර, කෑගල්ල, ගාල්ල, කළුතර, මාතර, හම්බන්තොට, නුවරඑළිය දිස්ත්‍රික්කයේ කඳු නායයෑමට ලක්විය හැකි බවත්, පස්කඳු කඩාවැටිය හැකි බවත් ජාතික ගොඩනැගිලි පර්යේෂණ සංවිධානය සඳහන් කරයි.

මෙම අනතුරු ඇඟවීම හෙට (05දා) දිනය තුළ ක්‍රියාත්මක බවද එම සංවිධානය සඳහන් කළේය. මේ නිසා කඳු ආශ්‍රිතව සහ පස් කඳු ආශ්‍රිතව සිටින ජනතාව මේ පිළිබඳ අවධානය යොමු කළ යුතු බවද එම සංවිධානය සඳහන් කරයි.

බස්නාහිර, සබරගමුව, දකුණ, මධ්‍යම හා වයඹ පළාත්වලටත්, ඌව, නැගෙනහිර පළාත්වලට හා අනුරාධපුර දිස්ත්‍රික්කයේ ඇතැම් ප්‍ර‘දේශවලටත් වැසිවාර කිහිපයක් ඇතිවන බව කාලගුණ විද්‍යා දෙපාර්තමේන්තුව සඳහන් කරයි.

මීට අමතරව මාතලේ හා පොළොන්නරුව දිස්ත්‍රික්කවල පැයට කිලෝමීටර් 50ක් දක්වා වූ සමාන්‍ය තද සුළං ඇතිවිය හැකි බවද කාර්යයේ නියුක්ත කාලගුණ විද්‍යාඥ උදේනි වීරසිංහ මහත්මිය සඳහන් කළාය.