ලොරි - බස් අනතුරින් 15ක් තුවාල ලබති

කොළඹ -ගාල්ල මාර්ගයේ බෙන්තොට දී අද (25දා) පෙරවරු 4.30 ට පමණ ලොරි රථයක් හා පුද්ගලික බස් රථයක් ගැටීමෙන් සිදුවූ අනතුරකින් රියදුරන් දෙදොනා ඇතුළුව 15 දෙනෙකු තුවාල ලැබූ බව බෙන්තෙට පොලීසිය පවසයි.

ලොරියේ රියදුරු හා එහි ගමන් ගත් දෙදෙනෙකුද බසයේ රියදුරු හා එහි ගමන් ගත් මගීන් 11 දෙනෙකු පමණද මෙසේ තුවාල ලැබූහ.

කොළඹ සිට ගාල්ල දෙසට ගමන් ගත් ලොරි රථයක් හා මාතර සිට කොළඹ දක්වා ගමන් ගත් පුද්ගලික බස් රථයක් ගැටීමෙන් මෙම අනතුර සිදුවී තිබේ.

අනතුරෙන් බරපතල තුවාල ලැබූ රියදුරන් දෙදෙනාම කළුතර නාගොඩ රෝහලට ඇතුළත් කර ඇති අතර සෙසු තුවාලකරුවන් බෙන්තොට සහ අලුත්ගම රෝහල්වලට ඇතුළත්  කල  බව පොලිසිය පැවසීය.

බෙන්තොට චතුරිකා ජයරත්න