ලක්ෂ 35ක දුම්වැටි STF අල්ලයි

වැල්ලම්පිටිය, ලංඩියා වත්ත නිවසක ගබඩා කර තිබූ රුපියල් ලක්ෂ තිස් පහක් වටිනා විදේශ දුම්වැටි තොගයක් සමග නිවෙස් හිමිකරු ඇතුළු දෙදෙනෙකු අත්අඩංගුවට ගත් බව පොලිස් විශේෂ කාර්ය බළකා මූලස්ථානය පවසයි.

අත්අඩංගුවට ගත් දුම්වැටි ප්‍රමාණය ලක්‍ෂයක් පමණ වන බව පොලීස් විශේෂ කාර්ය බළකාය සඳහන් කරයි.

 දුම්වැටි තොගය තීරුබදු නොගෙවා මෙරටට ගෙන්වා විවිධ පුද්ගලයන් මගින් බෙදාහැර ඇතැයි පොලිස් පරීක්‍ෂණවලදී හෙළිවී ඇත.

බිමල් ශ්‍යාමන් ජයසිංහ